Ajri dhe ndotja e ajrit
Rezultatet e të nxënit:
- Nxënësi/ja mëson se çka është ajri;
- Nxënësi/ja mëson për përbërjen e ajrit;
- Kupton rëndësinë e ajrit;
- Kupton se pa ajër nuk ka jetë për njerëzit, bimët dhe kafshët.
- Identifikon ndotësit e ajrit;
- Kupton pasojat e ajrit të ndotur.
Materialet e nevojshme:
- Materiali i publikuar në link me emërtimin: Ajri dhe ndotja e tij;
- Laps;
- Letër.
Përshkrimi i aktivitetit:
| Hapi 1 | Fillimisht shkarkojmë materialin e publikuar në platformë me emërtimin: Ajri dhe ndotja e tij. |
| Hapi 2 | Nxënësit/ës fillimisht i shpjegohet se ajri është burim natyror, është lëndë pa ngjyrë, pa erë dhe se, pa ajër nuk ka jetë për njerëzit, kafshët dhe bimët. |
| Hapi 3 | Pastaj e pyesim nxënësin/ ën se a mund të jetojmë nëse nuk ka ajër, dhe e drejtojmë drejtë përgjigjes: “Jo”. |
| Hapi
4 |
Duke përdorur fotografitë në material, i shpjegojmë nxënësit/ës për ndotësit e ajrit dhe rëndësinë e ajrit të pastër. Ajri i papastër shkakton sëmundje, prandaj, ne shtëpi dhe rrethin ku jetojmë duhet mbajtur pastër. |
| Hapi 5 | Në aktivitetin e parë në kuadër të materialit, kërkojmë nga nxënësi/ja që të lidh me shigjetë fotografitë me fjalët. |
| Hapi 6 | Ndërsa, në aktivitetin e fundit, duke u bazuar në fotografi, shkruajmë ndotësit e ajrit. |
Leave a Reply