Rregullat në shkollë
Rezultatet e të nxënit:
- Nxënësi i kupton rregullat e shkollës;
- Nxënësi e kupton rëndësinë e rregullave dhe respektimit të tyre;
- Nxënësi i zbaton rregullat e shkollës.
Materialet e nevojshme:
- Libri;
- Fleta e bardhë;
- Ngjitësi;
- Gërshërët;
- Fotografitë apo vizatimit për ilustrimin e njësisë mësimore.
Përshkrimi i aktivitetit:
| Hapi 1 | Fillimisht e pyesim nxënësin “A kemi rregulla në shkollë ?” dhe nëse “Po” cilat janë ato rregulla ? |
| Hapi
2 |
Bashkë me nxënësin, fillojmë të listojmë rregullat kryesore në shkollë sikurse: 1) Kur dikush flet, të tjerët dëgjojnë; Ne duhet të respektojmë mësimdhënësin; Ne e mbajmë shkollën të pastër; Ne e respektojmë njëri tjetrit; Ne e respektojmë orarin etj. |
| Hapi 3 | Më pas, bisedojmë me nxënësin në lidhje me rëndësinë e zbatimit të rregullave. Përmendim situata hipotetike se çfarë do të ndodhte nëse rregullat në shkollë nuk do të zbatoheshin, si në shembullin në vijim: “Çfarë do të ndodhte nëse ne të gjithë do të flisnim në të njëjtën kohë?” dhe e udhëzojmë nxënësin drejt përgjigjes “Askush nuk do të kuptonte asgjë” apo “Çfarë do të ndodhte nëse ne nuk e respektojmë orarin?” dhe e drejtojmë nxënësin drejt përgjigjes “Ora mësimore do të ndërprehej vazhdimisht nga nxënësit që hynë apo dalin nga klasa” etj. |
| Hapi
4 |
Më pas flasim pak edhe për aspektin emocional se si do të ndiheshim ne nëse rregullat në shkollë nuk do të zbatoheshin. E drejtojmë fëmijën drejt përgjigjeve sikurse: “Ne do të ndiheshim të pa rëndësishëm, kur askush nuk ka dëgjon”. |
| Hapi 5 | Rregullat shkollore mundohemi t’i ilustrojmë përmes fotografive të ndryshme, duke shfletuar në Google përmes përdorimit të ndonjë pajisje elektronike. |
| Hapi 6 | Më pas i kërkojmë nxënësit që të vizatojë apo shkruaj së paku 6 rregulla shkollore. |
Leave a Reply