Njohja e ngjyrave
Rezultatet e të nxënit
- Nxënësi/ja klasifikon sipas ngjyrave;
- Nxënësi/ja zhvillon motoriken fine;
- Nxënësi/ja dallon konceptet brenda – jashtë;
- Nxënësi/ja rrit kohëzgjatjen e koncentrimit në aktivitet;
- Nxënësi/ja emërton ngjyrat
Materialet e nevojshme:
- Topa të vegjël me ngjyra të ndryshme (nga letra me ngjyra, sfungjeri apo pambuk);
- Gota plastike me ngjyra apo të ngjyrosura;
- Kapëse të rrobave.
Përshkrimi i aktivitetit:
| Hapi 1 | Vendosni në tavolinë të gjitha materialet e nevojshme. Në njërën anë vendosi topat e vegjël me ngjyra, ndërsa në anën tjetër vendosni gotat. |
| Hapi 2 | Udhëzojeni nxënësin/ën që të analizoj ngjyrat e topave të vegjël dhe ngjyrat e gotave. |
| Hapi 3 | Udhëzojeni nxënësin/ën që të kap në dorë një kapëse të rrobave, dhe përmes saj të vendosë topat e vegjël me ngjyra në gotën me ngjyrën e njëjtë. Këtë mund ta bëni përmes udhëzimeve verbale si në vijim: Merre topin e kuq jashtë gotës, dhe vendose brenda gotës. Në fillim mund të ofroni pak ndihmë, të cilën synoni ta largoni gradualisht. Kështu nxënësi/ja do të dallojë ngjyrat dhe do të përforcojë konceptet: brenda dhe jashtë. |
Leave a Reply