Mjetet e transportit
Rezultatet e të nxënit:
- Nxënësi/ja njeh mjetet e transportit rrugor;
- Nxënësi/ja njeh mjetet e transportit ujor;
- Nxënësi/ja njeh mjetet e transportit ajror;
- Nxënësi/ja tregon për rëndësinë e mjeteve të ndryshme të transportit si dhe për çka na shërbejnë ato;
- Nxënësi/ja krahason lëvizjen e mjeteve të transportit rrugor, ujor dhe ajror.
Materiali i nevojshëm:
- Fotografi ilustruese të mjeteve të ndryshme të transportit;
- Letër;
- Laps;
- Ngjyra.
Përshkrimi i aktivitetit:
| Hapi 1 | Fillimisht duke bashkëbiseduar me nxënësin/ën e pyesim atë se cilat mjete të transportit di apo njeh. Bashkërisht fillojmë të listojmë disa prej tyre. |
| Hapi
2 |
Më pas pyesim nxënësin/ën se për çfarë shërbejnë mjetet e transportit dhe me ndihmën tonë e udhëzojmë drejtë përgjigjes se mjetet e transportit shërbejnë për udhëtim të njerëzve, për punimin e tokës apo për transportim të mallrave. |
| Hapi 3 | Më pas, nxënësit/ës i shpjegojmë se kemi tre lloje të mjeteve të transportit, sikurse në vijim: Mjetet e transportit rrugor, ujor dhe ajror. |
| Hapi
4 |
Nxënësit/ës i sqarojmë se mjetet e transportit rrugor lëvizin në rrugë dhe janë si në vijim: biçikleta, makina, autobusi, kamioni, treni etj. Këtë shpjegim e ilustrojmë me fotografi të ndryshme të këtyre mjeteve të transportit. |
| Hapi 5 | Nxënësit/ës i sqarojmë se mjetet e transportit ujor lëvizin në ujë dhe janë si në vijim: anija, barka, jahti etj. Këtë shpjegim e ilustrojmë me fotografi të ndryshme të këtyre mjeteve të transportit. |
| Hapi 6 | Nxënësit/ës i sqarojmë se mjetet e transportit ajror lëvizin në ajër dhe janë si në vijim: aeroplani, helikopteri, parashuta, raketa etj. Gjithashtu sqarojmë se shumica e këtyre mjeteve mundësojnë një lëvizje shumë të shpejtë, prandaj edhe janë shumë të kushtueshme. Këtë shpjegim e ilustrojmë me fotografi të ndryshme të këtyre mjeteve të transportit. |
| Hapi 7 | Në fund mund të kërkojmë nga nxënësi/ja që të vizatojë një mjet të transportit rrugor, ujor dhe ajror. |
Leave a Reply