Mësimi i numrave 1-5
Rezultatet e pritura:
- Nxënësi/ja identifikon numrin;
- Nxënësi/ja kupton konceptin e numrit;
- Nxënësi/ja bën numërimin e objekteve;
- Nxënësi/ja dallon numrat për nga madhësia.
Materialet e nevojshme:
- Kapak kartoni;
- Kapak plastike të shisheve me ngjyra të ndryshme;
- Llastika;
- Copëza të fletave me numra dhe ngjyra të ndryshme.
Përshkrimi i aktivitetit:
| Hapi 1 | Fillimisht në një kapak kartoni ngjisim kapakët e shisheve më ngjyra të ndryshme. |
| Hapi 2 | Në fleta të bardha të vogla, shkruajmë numra të ndryshëm, dhe vizatojmë topa me ngjyra, shuma e të cilëve përkon me numrin. P.sh shkruajmë numrin 3 dhe vizatojmë 3 topa. |
| Hapi 3 | Vendosim të gjitha materialet në tavolinë, dhe nxënësin/ën e udhëzojmë që duke shikuar copëzën e letrës së bardhë ku është shkruar numri dhe janë vizatuar topat me ngjyra, të identifikojë kapakët e shishes që kanë po atë shumë dhe po ato ngjyra, sikurse në foton ilustruese. |
| Hapi
4 |
Pasi që nxënësi/ja të identifikojë kapakët, e udhëzojmë që të vendos llastikun përreth kapakëve përkatës. Këtë aktivitet e përsërisim disa herë, duke ndërruar çdo herë numrin, sikur në foton ilustruese. |
Leave a Reply