LOJA “E GJETA” ( Grupmosha 5-6 vjeç )
Rezultatet e të nxënit:
- Fëmija koordinon lëvizjet e trupit;
- Fëmija kontrollon drejtpeshimin;
- Fëmija përqendron vëmendjen;
- Fëmija respekton rregullat e lojës.
Materialet e nevojshme:
- Fleta A4;
- Ngjyra;
- Libra;
- Kuti biskotash apo çokolatë.
Përshkrimi i aktivitetit:
| Hapi 1 | Fillimisht vizatojmë shputat e këmbëve në fleta të bardha. |
| Hapi
2 |
Fletat e bardha ku janë të vizatuara shputat e këmbëve i rendisim në dy anë dhe në mes të tyre vendosim libra si pengesa. Në fund të rrugës, vendosim një kuti me biskota. |
| Hapi 3 | Për të arritur deri tek kutia me biskota, fëmija duhet të kërcejë së pari mbi fletat ku janë të vizatuara shputat e këmbëve, pastaj në mes, por duhet të ketë kujdes që të mos i rrëzojë pengesat (librat). |
| Hapi
4 |
Fëmijët duhet të rifillojnë lojën sa herë që e prekin apo e rrëzojnë një pengesë dhe në fund nëse arrijnë të kërcejnë pa i rrëzuar pengesat, do ta gjejnë dhe do ta marrin kutinë e biskotave.
|
| Hapi 5 | Me këtë aktivitet fëmijët do të aftësohen për zgjidhjen e problemit, fitojnë vetëbesim si dhe mësojnë për rregullat e lojës.
|
…………………………………………………………..
◦◦◦QBMK “NËNË TEREZA”-PRIZREN◦◦◦
Leave a Reply