Lexuesit e ekranit

Përshkrimi i njësisë:

Lexuesit e ekranit janë programe kompjuterike që lejojnë përdoruesit të verbër ose me shikim të dobësuar të lexojnë tekstin që shfaqet në ekranin e kompjuterit me një sintetizues të të folurit ose ekran Braille. Një lexues i ekranit është ndërfaqja midis sistemit operativ të kompjuterit, aplikacioneve të tij dhe përdoruesit. Përdoruesi dërgon komanda duke shtypur kombinime të ndryshme të çelësave në tastierën e kompjuterit ose ekranin Braille për të udhëzuar sintetizuesin e të folurit çfarë të thotë dhe të flasë automatikisht kur ndodhin ndryshime në ekranin e kompjuterit. Një komandë mund ta udhëzojë sintetizuesin të lexojë ose të shqiptojë një fjalë, të lexojë një rresht ose një faqe të plotë të tekstit, të gjejë një varg teksti në ekran, të njoftojë vendndodhjen e kursorit të kompjuterit ose në objektin  që është përqendruar, etj. Për më tepër, lejon përdoruesit të kryejnë funksione më të avancuara, siç është gjetja e tekstit të shfaqur me një ngjyrë të caktuar, leximi i pjesëve të paracaktuar të ekranit sipas kërkesës, leximi i tekstit të theksuar dhe identifikimi i zgjedhjes aktive në një menu. Përdoruesit gjithashtu mund të përdorin kontrolluesin e drejtshkrimit në një procesor fjalësh ose të lexojnë qelizat e një Braille Display.

Lexuesit e ekranit janë aktualisht të disponueshëm për t’u përdorur me kompjutera personalë që ekzistojnë në Windoës,  Mac, Linux, IOS, Android etj. Lexuesit e ekranit përfshijnë një strukturë të ndryshme komandash, dhe shumica mbështeten nga një sërë sintetizuesish të të folurit. Lexuesit e ekranit përdoren kryesisht nga njerëz që kanë  shikim të dobësuar ose janë të verbër .

Disa lexues të ekranit janë:

1. Jaws (Freedom Scientific)      https://www.freedomscientific.com/Products/software/JAWS/
2. NVDA (NV Access)        https://www.nvaccess.org/
3. Supernova (Dolphin)              https://yourdolphin.com/products/individuals/supernova-magnifier-screen-reader
4. Apple VoiceOver (OS X)        https://www.apple.com/accessibility/mac/vision/
5. Voice assistant                         https://www.samsung.com/uk/accessibility/mobile-voice-assistant/

QBMK “Xheladin Deda”-Pejë