Identifikimi i ngjyrave
Rezultatet e të nxënit:
- Nxënësi/ja numëron deri në numrin 20;
- Nxënësi/ja identifikon ngjyrat;
- Nxënësi/ja dallon trupin gjeometrik – kubin;
- Nxënësi/ja dallon 6 faqet e kubit;
- Nxënësi/ja Identifikon, krahason dhe bashkon ngjyrat e njëjta;
- Nxënësi/ja dallon simetrinë tek format rrethore;
- Nxënësi/ja përdor hedhjen dhe rrokullisjen e kubit (sikurse zarin);
- Nxënësi/ja kupton në mënyrë logjike grupimin e elementeve me ngjyra të njëjta.
Materialet e nevojshme:
- Kartoni në formë drejtkëndëshi;
- Kubi – gjashtë faqet e të cilit janë me ngjyra të ndryshme;
- Letra me ngjyra për modelimin e Mollëkuqes dhe për petëza në formë rrethore;
- Gërshërët;
- Një pjatë në formë rrethi.
Përshkrimi i aktivitetit:
| Hapi 1 | Fillimisht shkarkojmë materialin e publikuar në platformë për të parë se si është bërë modelimi i Mollëkuqes. Nxënësin/ën e udhëzojmë që mbi një sipërfaqe drejtkëndëshe ( nga kartoni ) të modelojmë dhe formojmë Mollëkuqen. Do të thotë vendosim një sipërfaqe rrethore ( nga kartoni me ngjyrë të kuqe ). Pastaj atë sipërfaqe e ndajmë me një vijë të drejt në mes duke formuar dy gjysmë sipërfaqe rrethore ( simetrike në mes veti ). |
| Hapi 2 | Në ato dy pjesë simetrike vendosim numër të njëjtë të petëzave në formë rrethore ku nga njëra anë kanë ngjyrë të zezë, ndërsa nga ana tjetër kanë 6 ngjyra të ndryshme ( të kuqe, te gjelbër, të verdhë, vjollcë, të kaltër dhe të bardhë). |
| Hapi 3 | Pas formësimit të Mollëkuqes marrim kubin, 6 faqet e të cilit janë të ngjyrosura me ngjyrat që i përmbajnë petëzat e vendosura në modelimin e Mollëkuqes. |
| Hapi 4 | Ky aktivitet realizohet në mes të dy nxënësve ( dyshe ) dhe ka karakter garues. Njëra gjysmë sipërfaqe e Mollëkuqes i takon njërit nxënës e tjetra tjetrit nxënës. Atëherë nxënësi i parë e merr kubin dhe e hedh në rrokullisje ( sikurse loja me zarin ) dhe ngjyrën që shfaqet në gjendjen statike të kubit duhet ta gjejë me një hapje të petëzave. Nëse e gjen ngjyrën largohet petëza për veprimin e radhës. |
| Hapi 5 | Pastaj fillon radha e nxënësit të dytë i cili vepron njëjtë sikurse nxënësi i parë me pjesën e tij të modelit të Mollëkuqes. Dhe kështu vazhdon aktiviteti deri sa njëri nga nxënësit të hap të gjitha petëzat e pjesës së tij, duke ia përshtat ngjyrat e kërkuara nga hedhja e kubit |
Leave a Reply