Hyrje në lëndën e ekologjisë
Rezultatet e të nxënit :
- Nxënësi/ja mëson se ekologjia si shkencë, është degë e lëndës së biologjisë;
- Nxënësi/ja kupton rëndësinë e kësaj lënde në mbrojtjen e mjedisit jetësor;
- Nxënësi/ja analizon dhe sqaron objektin e studimit të saj;
- Nxënësi/ja kupton në veçanti studimin e ekologjisë së bimëve;
- Nxënësi/ja kupton në veçanti studimin e ekologjisë së shtazëve;
- Nxënësi/ja kupton në veçanti studimin e ekologjisë së mikroorganizmave;
- Nxënësi/ja vetëdijesohet në ruajtjen dhe kujdesin ndaj natyrës.
Materialet e nevojshme:
- Libri i biologjisë kl. VI;
- foto nga interneti;
- Ilustrimet nga libri.
Përshkrimi aktivitetit:
| Hapi 1 | Fillimisht ju duhet të shkarkoni materialin të cilin mund ta gjeni në linkun me emërtimin: Hyrje në lëndën e ekologjisë. Njësia ligjërohet me gjuhën e shenjave dhe prezantohet me Power Point ose PDF. |
| Hapi 2 | Bazuar në materialin e shkarkuar, filloni të shpjegoni e shtjelloni, duke krahasuar lëndën e ekologjisë me lëndët dhe degët tjera të biologjisë. |
| Hapi 3 | Ekologjia është shkencë e biologjisë e cila studion marrëdhëniet e qenieve të gjalla me veprimet e mjedisit jetësor si dhe marrëdhëniet në mes vet qenieve të gjalla. |
| Hapi 4 | Sipas objektit të cilin e studion, ekologjia ndahet në:
1. Ekologji të bimëve; 2. Ekologji të shtazëve; 3. Ekologji të mikroorganizmave. |
| Hapi 5 | Në vijim duke shpjeguar e sqaruar me anë të fotove e ilustrimeve të ndryshme nxënësit arrijnë të kuptojnë e të mësojnë më gjerësisht objektin e studimit nga lënda e ekologjisë si shkencë, rëndësinë e saj në hulumtimin dhe trajtimin e problemeve të mundshme që krijohen nga pakujdesia e njerëzve apo katastrofave natyrore. |
| Hapi 6 | Në fund, kërkoni nga nxënësit të marrim qëndrim, që të gjithë së bashku ta duam natyrën dhe ta ruajmë atë. |
Leave a Reply