Mësojmë shkronjën -Y
Rezultatet e të nxënit:
- Nxënësi/ja mëson shkronjën “Y”;
- Nxënësi/ja shqipton drejtë tingullin “Y”;
- Nxënësi/ja modelon shkronjën “Y”;
- Nxënësi/ja shkruan shkronjën “Y”;
- Nxënësi/ja zhvillon motoriken fine.
Materialet e nevojshme:
- Qirinj;
- Pipëza;
- Kubëza;
- Laps;
- Lëpirëse;
- Fletë;
- Ngjyra.
Përshkrimi i aktivitetit:
| Hapi 1 | Fillimisht ju duhet të shkarkoni materialin të cilin mund ta gjeni në linkun me emërtimin “Mësojmë shkronjën Y”. |
| Hapi 2 | Fillimisht për të ushtruar muskulaturën e gojës, mund të kërkoni nga fëmija të bëjë ushtrime të ndryshme sikurse: të fryjë qirinjtë, ose të fryjë copëza letrash me pipëza etj. |
| Hapi 3 | Ndërsa për të ushtruar motoriken fine, ju mund të udhëzoni nxënësin/ën që të luaj me kubëza të vegjël. |
| Hapi
4 |
Bazuar në materialin e shkarkuar, fillimisht demonstroni para nxënësit shkronjën Y. Këtë mund ta bëni duke e shkruar dhe artikuluar këtë shkronjë. Më pas mund të shqiptoni fjalë të ndryshme që fillojnë me shkronjën Y sikurse Ylberi, Ylli etj. Kërkoni nga nxënësi/ja që të bëjë të njëjtën. |
| Hapi 5 | Më pas, bazuar në materialin e shkarkuar, shkruani fjalë që përmbajnë shkronjën Y dhe kërkoni nga nxënësi/ja që ta rrumbullakoj shkronjën Y, për ta dalluar apo identifikuar atë në mes të shkronjave të tjera. |
| Hapi
6 |
Bazuar në material, kërkoni nga nxënësi/ja që të lidhë fjalët ku përfshihet shkronja Y me figurat përkatëse. |
| Hapi
7 |
Vazhdoni me udhëzimet ne material, duke udhëzuar nxënësin/ën që të modelojë shkronjën Y dhe të shkruaj fjalë ku përfshihet shkronja Y. |
| Hapi 8 | Udhëzoni nxënësin/ën që të vizatojë Ylberin dhe të ngjyrosë vijat e tij duke qëndruar brenda konturave, sipas udhëzimeve në materialin e shkarkuar. |
| Hapi 9 | Bazuar në materialin e shkarkuar, udhëzojeni nxënësin/ën për detyrat e shtëpisë. |
Leave a Reply