Pjesët e trupit
Rezultatet e të nxënit:
- Nxënësi/ja emërton format gjeometrike;
- Nxënësi/ja identifikon pjesët e trupit përmes formave gjeometrike.
Materiali i nevojshëm:
- Fleta me ngjyra;
- Lapsin;
- Gërshërët;
- Vizoren;
- Trekëndësh.
Përshkrimi i aktivitetit:
| Hapi 1 | Së bashku me nxënësit/ës merrni fletët me ngjyra, lapsin, gërshërët, vizoren (nëse keni trekëndësh me forma në shtëpi ju ndihmon edhe për të formuar format) dhe vendosni në tavolinë. |
| Hapi
2 |
Së bashku me nxënësin/ën vizato format gjeometrike në fleta me ngjyra të ndryshme duke u bazuar në foton e publikuar në platformë. |
| Hapi 3 | Pasi të keni vizatuar format gjeometrike, preni me gërshërë ato forma. |
| Hapi 4
|
Më pas, rëndit format sipas shembullit të dhënë në fotografinë e publikuar, duke formuar pamjen e njeriut. |
| Hapi 5
|
Pasi të keni formuar figurën, kërkoni nga nxënësi/ja të emërtojë format gjeometrike dhe pjesët e trupit. |
Shpjegim shtesë:
Ky aktivitet është zbërthyer në hapa të vegjël. Prindërit/mësimdhënësit rekomandohen që t’i realizojnë me fëmijën hapat një nga një duke filluar nga i pari. Gjatë realizimit të hapave të kësaj aftësie rekomandohen që fëmijës t’i jepet ndihmë varësisht nga vlerësimi paraprak.
Janë tri nivele të ndihmës: SHF=Shtytje fizike, SHV= Shtytje verbale, HP = Hapat e pavarur. (Ju lutem shikoni videon e realizuar te materialet shtesë “Ndihma Fizike dhe Verbale në procesin e përvetësimit të aftësive të reja te nxënësit me nevoja të veçanta“).
Jepuni fëmijëve mjaft kohë që ta ushtrojnë detyrën e re. Rregullisht ushtroni. Mund të themi se fëmija e ka përvetësuar një aftësi nëse ka sukses 60-80% në detyrën e caktuar, që është performancë mesatare dhe tendenca duhet të shkojë që fëmija të arrijë në performancë të shkëlqyer 100%.
Gjithherë tentoni ta mësoni në ambientin në të cilin doni që shkathtësia e mësuar të aplikohet, nëse nuk jeni në ato ambiente atëherë simuloni ato. Vazhdimisht vërtetoni se jeni duke tërhequr vëmendjen e fëmijës. Zvogëloni pengesat e jashtme.
Leave a Reply