Japim dhurata – falim dashuri
Rezultatet e të nxënit:
- Nxënësi/ja kupton se çka është dhurata dhe si është e lidhur me të qenit human;
- Nxënësi/ja shpjegon se pse është e rëndësishme të japim dhurata;
- Nxënësi/ja respekton të tjerët dhe fal dashuri.
Materialet e nevojshme:
- Materiali i publikuar
- Libri;
- Fotografi të ndryshme;
- Fleta e bardhë;
- Lapsi;
- Ngjyra druri.
Përshkrimi i aktivitetit:
| Hapi 1 | Fillimisht shkarkojmë materialin e publikuar me emërtimin “Japim dhurata dhe falim dashuri”. |
| Hapi 2 | Nxënësit/ës i shpjegojmë se ndihma ndaj të tjerëve forcon miqësinë, dashurinë dhe respektin. Kur e duam dikë, kemi dëshirë ta gëzojmë duke i bërë dhurata. Humanizmi dhe bamirësia mund të shprehen edhe përmes dhënies së dhuratave apo ndihmave të ndryshme. |
| Hapi 3 | Udhëzo nxënësin/ën që të shikojë fotot ilustruese në material ku ilustrohen format e ndryshme të ndihmës ndaj të tjerëve. |
| Hapi 4 | Në aktivitetin në faqen 3, udhëzoni nxënësin/ën që të vizatojë një person të cilit do t’i kishte bërë një dhuratë dhe çfarë do të ishte ajo. |
| Hapi 5 | Ndërsa në kuadër të aktivitetit në faqen 4, udhëzojeni nxënësin/ën që të rendit fjalitë nga numri 1 deri në 10 në bazë të dëshirave të tij/saj dhe rëndësisë që u jep atyre. |
Leave a Reply