Profesionet

Rezultatet e të nxënit:

Nxënësi/ja identifikon profesionet e ndryshme;
Nxënësi/ja njeh profesionet e caktuara; për të cilat pyetet;
Nxënësi/ja tregon për profesionin që dëshiron ta ushtrojë në të ardhmen;
Nxënësi/ja kupton që secili profesion, i ushtruar me dashuri është i vlefshëm dhe rëndësishëm.

Materiali i nevojshëm:

Materiali i printuar që mund të shkarkohet nga linku “Tema mësimore- profesionet”.

Përshkrimi i aktivitetit:

Hapi 1	Fillimisht, për të realizuar këtë aktivitet ne duhet të printojmë materialin që gjendet në linkun: “Tema mësimore- profesionet”.
	Më pas, fillojmë duke pyetur fëmijën si në vijim: “Cilat janë profesionet e prindërve të tu ?” apo “Çfarë punësh kryejnë ata ?”
Hapi 2	Pasi të kemi marrë përgjigjen, pyesim fëmijën: “Çfarë profesione të tjera njeh?” Këtu mund të japim ndihmë apo udhëzime fillestare duke filluar bashkërisht t’i listojmë profesionet, sikurse në vijim: “Doktor/eshë, Mësues/e, etj.”
Hapi 3	Më pas shpalosim fotografitë që kemi në materialin e printuar dhe ilustrojmë profesione të ndryshme.
Hapi 5	Vazhdojmë duke analizuar secilën fotografi veç e veç . P.sh ndalemi tek fotografia e doktorit dhe pyesim: Cili profesion është ky ?” dhe “ Në bazë të cilave veçorive e kemi dalluar”?. Përmendim këtu mantelin e bardhë, stetoskopin apo ndonjë veçori tjetër. Pyesim më pas fëmijën se cili është roli i këtij profesioni dhe e udhëzojmë drejt përgjigjeve sikurse: “Doktori na ndihmon të shërohemi kur ne jemi të sëmurë”. Vazhdojmë në të njëjtën mënyrë edhe me profesione të tjera sikurse: Mësues/e, Rrobaqepës/e, Ndërtimtar/e, Avokat/e, Gazetar/e etj.
Hapi 6	Nxënësit/ës i tregohet për rëndësinë dhe dobitë që secili profesion ngërthen në vete, si në vijim: Njeriu duke punuar gëzon shëndet më të mirë, jeton më gjatë, fiton shokë e miq të ndryshëm, fiton materialisht, bëhet më i suksesshëm dhe më produktiv, fiton më shumë vetëvlerësim dhe mund të bëhet model i mirë për rrethin ku jeton dhe për njerëzit e të gjitha moshave. Prandaj ne duhet t’i respektojmë mendimet dhe zgjedhjet e çdo personi që ai vendos që do të ketë në të ardhmen si profesion.
Hapi 7	Në pjesën e dytë të materialit të printuar, shkruajmë për detyrat e punës që kryen secili profesion, sikurse në udhëzime.
Hapi 8	Më pas pyesim nxënësin/ën se cili është profesioni që ai/ajo do të donte të ushtronte kur të rritej dhe pse?. Këtu mund të udhëzojmë nxënësin/ën që të vizatojë/ ilustrojë vetën duke ushtruar atë profesion.
Hapi 9	E përmbyllim aktivitetin duke i përsëritur bashkë me nxënësin/ën disa nga profesionet dhe rëndësinë e tyre në shoqëri.

Leave a Reply Cancel reply